李克勤倫敦人開騷 新歌＋《夏日之神話》《VICTORY》經典重生

香港通訊社4月3日電：李克勤宣布重臨澳門，將於4月18同19日，喺澳門倫敦人綜藝館舉行《我們的樂章》演唱會！現已可以透過金光票務、大麥網、澳門售票網、貓眼、uutix等多個平台同步公開發售，粉絲記住準時撲飛！ 繼2025年大獲好評嘅演出後，克勤再度登上倫敦人綜藝館舞台，今次唔單止會首度公開獻唱全新單曲，仲會聯同多位頂尖音樂表演者合作，將《夏日之神話》、《舊歡如夢》、《希望》同《VICTORY》等經典金曲重新編曲，注入新鮮感，誓要俾樂迷一個耳目一新嘅音樂體驗。

李克勤向來被譽為「行走嘅CD」，憑其「高、清、亮」嘅標誌性靚聲，俘虜幾代樂迷。《月半小夜曲》、《紅日》、《一生不變》、《飛花》等金曲，首首都係集體回憶。今次演唱會特設全新流程、舞台設計同視覺效果，務求令觀眾可以近距離、沉浸式感受克勤嘅歌聲魅力同現場震撼力。

演唱會資料​

名稱：李克勤《我們的樂章》演唱會 澳門站
日期：2026年4月18及19日（星期五、六）
地點：澳門倫敦人綜藝館
門票發售：2026年3月12日（星期四）中午12時起
售票平台：金光票務、大麥網、澳門售票網、貓眼、uutix
樂迷萬勿錯過呢次金曲重溫兼新歌首唱嘅難得機會，一齊喺澳門倫敦人見證克勤嘅音樂新篇章！